Në Galerinë e Arteve në Tetovë u hap ekspozita personale e piktores nga Gjilani, Magbule Xhemaili. Ceremoninë e hapjes së ekspozitës së titulluar “Gjurmë në kohë” e bëri profesori z.Osman Demiri, i cili vuri në dukje veçantinë e tematikës së trajtuar e pikturat e prezantuara në galerinë tonë, duke iu referuar edhe kritikës së shtypur në katalogun e ekspozitës të shkruar nga kritiku i artit z.Mustafa Ferizi.